Hulanda Karibense

Hulanda Karibense

Hulanda Karibense (Boneiru, Sint Eustatius i Saba)

E kambio polítiko di 10-10-’10, dia Boneiru, Sint Eustatius i Saba a bira ‘entidat públiko’ di Hulanda, tabata rondoná di espektativanan grandi. Despues di sèis aña a resultá ku e espektativanan no a wòrdu realisá. No tin konfiansa den polítika i e sirkunstansianan di bida i perspektivanan pa e pueblo di Boneiru, Sint Eustatius i Saba no a mehorá sufisiente.

ChristenUnie ta dediká su mes na krea un vínkulo kaluroso entre e parti europeo i e parti karibeño di Hulanda: yuda e islanan BES mehorá di manera duradero e situashon pa nan pueblo, ku atenshon pa e individualidat i kultura di e islanan. E diálogo mester tuma lugá basá riba igualdat i rèspèt pa otro.

ChristenUnie ta proponé lo siguiente:

  • Trese servisionan sosial riba e islanan BES riba nivel, ku enfoke riba mehorashon di e situashon di muchanan.
  • Stipulashon di normanan mínimo di seguridat sosial. CBS i e ofisinanan di planifikashon ta haña e tarea pa duna konhuntamente un konseho tokante di e normanan pa e nivel di servisionan riba e islanan BES. E konseho aki mester hasi posibel pa espesifiká normanan mínimo rasonabel pa seguridat sosial basá riba sifranan empíriko.
  • Asistensia pa mamanan soltero. Muchu mucha ta krese den pobresa i ta konfrontá ku violensia doméstiko. No tin sufisiente kuido i no tin fasilidatnan pa muchanan desabilitá. Pa e motibu ei ta nesesario pa e asistensia pa mamanan soltero i e benefisionan sosial riba e nivel adekuá.
  • Invershon den enseñansa ta mas nesesario ku nunka pa por ofresé e muchanan un perspektiva pa futuro i kibra e sírkulo visioso di pobresa. Mester organisá e enseñansa di tal forma ku e hóbennan ta bon ekipá pa bai universidatnan den e paisnan den besindario, manera Merka òf Hulanda.
  • Remigrashon mas atraktivo pa yunan di tera ku diploma. Pa realisá un futuro duradero pa e islanan mester di un generashon nobo di yunan di tera ku diploma pa goberná e isla. Hopi yunan di tera hóben ta bai afó pa studia sin bini bèk, lo kual ta un ‘brain drain’ pa e islanan. Mester hasi remigrashon mas atraktivo, pa medio di por ehèmpel kreashon di trabou mas atraktivo riba e islanan i dor di ofresé training di gobernashon na yunan di tera ku a kaba di studia i ku ke reforsá e gobernashon di e islanan.
  • Regla lihé ku Hulanda Karibense por vota pa Eerste Kamer. Pa e motibu ei ChristenUnie ke finalisá lihé e revishon di e Konstitushon pa regla e derecho di voto di e islanan pa Eerste kamer.

Deel dit standpunt

➡ Klik hier voor al onze standpunten op alfabetische volgorde