Parti Karibeño di Reino

Parti Karibeño di Reino

Parti Karibeño di Reino (Aruba, Korsou i Sint Maarten)

E aktitut di Hulanda kontra e parti Karibeño di Reino tabata muchu reservá e último añanan i no tabatin konfiansa entre e partinan. A papia hopi tokante di otro, pero a papia muchu tiki ku otro. E hueyanan doloroso di e tempu kolonial i di sklabitut ta evidente te e dia di awe. E parti europeo i e parti karibeño di Reino no a yega mas serka di otro den e último añanan ku a pasa. Esei ta un lástima, pasobra e aliansa den Reino por pordusí hopi mas ku ta e kaso awor aki. ChristenUnie ke kambia e desaroyo aki, ku rèspèt pa e propio idioma, kultura i tradishonnan di e islanan. Protekshon di derecho i libertatnan humano fundamental, seguridat hurídiko i bon gobernashon ta keda un asuntu di Reino.

E puntonan aki di salida ta trese e siguiente medidanan:

  • Fortifikashon di mantenshon di lei lo kontinuá, den forma di un kolaborashon entre e parti europeo i e parti karibeño di Reino, pa no duna kriminalidat pisá i praktikanan Mafioso un chèns. Den esei mester garantisá kontinuidat di eksperiensia i konosementu riba e islanan: no efektuá kambionan personal muchu lihé di funshonarionan mandá for di Hulanda.
  • Stimulashon di inisiativa empresarial di e poblashon lokal. Na promé lugá mester sòru pa tin ménos opstákulo lokal na ora di kuminsá un propio empresa. Por hasi uso di e ekspertisio di organisashonnan internashonal den e region, pasobra nan tin un reputashon fidedigno.
  • Fortifikashon di e situashon ekonómiko pa medio di kreashon di un bon klima di invershon i establesimentu. Introdukshon di un supervishon di kompetensia adekuá i stimulashon di kolaborashon den Reino ta nesesario pa tene merkadonan lokal habrí, stimulá kompetensia i sòru pa igualdad di kondishonnan di kompetensia.
  • Islanan atraktivo pa turismo. Kolaborashon entre i ku e islanan pa enfrentá e problema di sushi, pa asina tene e lamannan i interior di e islanan limpi, redusí e sushi riba kaya i atendé e tratamentu di sushi konhuntamente pa alkansá ekonomia di eskala.

Deel dit standpunt

➡ Klik hier voor al onze standpunten op alfabetische volgorde